Einfaldaðu viðburðastjórnun þíns félags með nýjum mætingareiginleika fyrir starfsfólk í Abler. Fylgstu með viðveru þjálfara, bættu skipulag og tryggðu árangur viðburða.

Mætingaskráning starfsfólks fyrir viðburði

Auðveldaðu stjórnun starfsmanna á íþróttaviðburðum með nýjustu viðbót Abler. Stjórnendur og aðalþjálfarar geta nú auðveldlega staðfest viðveru starfsmanna, breytt listum og nýtt sér ný verkfæri til að bæta skipulag og framkvæmd viðburða. Þessi uppfærsla miðar að því að koma í veg fyrir óvæntar uppákomur á síðustu stundu og bæta heildarskipulag félagsins.

Við kynnum nýja virkni sem gerir yfirstjórnendum, stjórnendum og yfirþjálfurum kleift að staðfesta mætingu eða fjarveru þjálfara og aðstoðarfólks á hverjum viðburði. Þessi virkni er hönnuð til að einfalda viðburðastjórnun og tryggja skýra upplýsingagjöf um mætingu starfsfólks.

Með þessari uppfærslu geta íþróttafélög auðveldlega haldið utan um mætingu starfsfólks og tryggt þannig betri undirbúning fyrir viðburði og aukið öryggi í skipulagningu.

Kjarninn í þessari uppfærslu er að veita félögum einfalt og áreiðanlegt tæki til að staðfesta hverjir af þjálfurum og aðstoðarmönnum verða viðstaddir. Að vita þetta fyrirfram hjálpar við betri skipulagningu og dregur úr óvæntum breytingum á síðustu stundu. Þetta eykur gagnsæi og ábyrgð innan félagsins.

Stjórnendur og yfirþjálfarar geta nú merkt starfsfólk sem Mætt eða Fjarverandi á viðburðum.

Starfsfólk er sjálfgefið merkt sem „Mætt“ — sparar tíma og minnkar handvirka skráningu.

Hægt er að bæta starfsfólki við eða fjarlægja það af viðburðum með einföldum hætti.

Þjálfaraspjallið í viðburðayfirliti sýna nú „Fjarverandi“ ef þjálfari er merktur fjarverandi (engin óvissa eða tvöföld athugun lengur!).

Sérstakt mætingarskýrslutól fyrir starfsfólk í vefviðmótinu (kemur brátt).

Þú finnur allar frekari notkunarupplýsingar í hjálparmiðstöðinni okkar: https://help.abler.io/is/support/solutions/articles/67000743301-staff-attendance

Hraðari staðfesting á stöðu mætingar þjálfara.

Einfalt utanumhald um þátttöku starfsfólks á hverjum viðburði.

Skýr sýn yfir hvaða aðstoðarmenn og starfsfólk eru skráð mætingu.

Sveigjanleiki til að bæta við eða fjarlægja starfsfólk eftir þörfum fyrir komandi viðburði.

Skýr samskipti um væntingar varðandi mætingu.

Yfirsýn yfir stöðu eigin mætingar svo hægt sé að skipuleggja sig betur.

Öryggi um að viðburðir séu vel skipulagðir og með réttu þjálfurunum á staðnum.

Aukið traust á skipulagningu viðburða og gagnsæi innan félagsins.

Starfsfólk er sjálfgefið merkt sem mætt og þú þarft aðeins að uppfæra stöðuna þegar einhver er fjarverandi.

Til að skrá mætingu, farðu í viðburðinn, velur viðkomandi starfsmenn og merkir sem „Þjálfari mættur“ eða „Þjálfari fjarverandi“.

Haltu starfsmanna listanum snyrtilegum með því að bæta við eða fjarlægja fólk eftir þörfum.

Nýttu komandi mætingarskýrslu (á vefnum) til að skoða mætingarsögu og tryggja góða mönnun á framtíðarviðburðum.

Byrjaðu að nota mætingaskráningu starfsfólks strax á næsta viðburði! Skráðu þig inn, skoðaðu komandi viðburði og tryggðu að þjálfarateymið sé klárt. Fylgstu með hvenær mætingarskýrslan lendir, hún mun auðvelda þér að fylgjast með mætingu yfir tímabilið.

Árið hefur verið viðburðaríkt fyrir íþróttahreyfinguna, þar sem stærstu sigrarnir felast í langtímaáhrifum starfsins á samfélagið. Þjónustukannanir sýna framúrskarandi árangur, sem gert er skil með "Íþróttir skipta máli" kvarðanum. Skipulagt íþróttastarf barna og unglinga er lykilauðlind sem þarf að styðja og gera sýnilega.

Íþróttir skipa máli

Árið hefur verið viðburðaríkt fyrir íþróttahreyfinguna, með mörgum eftirminnilegum sigrum. Stærstu sigrarnir eru þó oft ekki þeir sem gefa medalíur eða bikara, heldur áhrifin sem starf ykkar hefur á samfélagið til lengri tíma.

Á liðnu ári höfum við reglulega lagt fyrir þjónustukannanir til að mæla upplifun notenda af þjónustu okkar og ánægju þeirra með ykkar störf. Það er óhætt að segja að þið eruð að standa ykkur frábærlega. Til að undirstrika það höfum við þróað "Íþróttir skipta máli" kvarðann, sem sýnir ótvírætt hversu mikil ánægja og þakklæti ríkir almennt fyrir ykkar störf. Hvaða fyrirtæki eða stofnun á Íslandi myndi vera stolt af slíkum árangri. 

Við vitum öll að skipulagt íþróttastarf barna og unglinga er ein af dýrmætustu auðlindum sem samfélagið býr yfir. Það er lykilatriði að gera árangur starfsins sýnilegan og veita starfinu þann stuðning sem það verðskuldar.

Til skýringar: Bláa línan táknar einkun félags og sú appelsínugula táknar meðaltal allra félaga. Kvarðinn er á bilinu 0 - 100 og hvert horn á þríhyrningnum segir til um einkun í hverjum flokk. 

Til að fá út skorið fyrir fjármál félaga, var litið til greiðsluhlutfall félags, þ.e. hversu mikill hluti útistandandi krafna eru greiddar. 

Til að reikna út skorið fyrir samskipti fyrir félag, var notast við gögn úr þjónustukönnunum. Spurningin sem ákvarðar þetta skor er á þessa leið:

"Ég á auðvelt með að nota samskiptahluta Abler"

Ánægja notenda er unnin út frá gögnum úr þjónustukönnun Abler, þar sem niðurstöður voru túlkaðar út frá hinum alþjóðlega NPS kvarða sem er á bilinu -100 til 100. Meðal spurninga sem ákvarða þetta skor eru:
"Ég á auðvelt með að nota Abler"

"Ég er heilt yfir ánægð/-ur með hugbúnað Abler"

Eins og lesa má í forsendur, er aðaláherslan lögð á að mæla ánægju notenda með Abler hugbúnaðinn. Til að notendur séu ánægðir með hugbúnaðinn þarf þó einnig að tryggja að þeir sem nota hann, í þessu tilfelli starfsfólk í íþróttahreyfingunni, nýti hann rétt og vel. Við hjá Abler erum svo lánsöm að vinna með framúrskarandi notendum, sem skilar sér í meðaleinkun sem er langt yfir alþjóðlegum viðmiðum. 

Til að hækka gott skor enn frekar hefur starfsfólk Abler handvalið þrjár hjálpargreinar sem geta nýst til að bæta upplifun notenda og lyfta stigasöfnuninni á enn hærra stig:

Góð ráð fyrir þjálfara
Fella niður ógreidda reikninga
Fjarlægja iðkanda sjálfkrafa úr flokki þegar áskrift lýkur

Starfsfólk Abler óskar samstarfsaðilum um allt land gleðilegra jóla og farsældar á komandi íþróttaári!

Íþróttir skipta máli

Abler3.0 - App Update and Posts

Abler kynnir Abler3.0 - Uppfært app og ný virkni. Abler3.0 er með nýtt og ferskt notendaviðmót með ýmsum nýjum aðgerðum. Stærsta viðbótin sem var að koma út er virkni sem nefnist ‘Færslur’/’Posts’ en það er nýr samskiptavettvangur fyrir stjórnendur, þjálfara og meðlimi.

Stór uppfærsla á Abler appinu er nú komin í loftið. Núverandi útlit hefur þjónað notendum vel undanfarin ár en lengi má gott bæta svo úr varð Abler3.0.

Abler3.0 er með nýtt og ferskt notendaviðmót með ýmsum nýjum aðgerðum en á næstunni munu svo bætast við fleiri skjáir og ýmsar fjölbreyttar aðgerðir. Það er mikið í gangi í þróun og á leiðinni inn svo við viljum hvetja ykkur til að samþykkja þegar við sendum uppfærslur beint inn í appið. Þessi uppfærsla markar einnig þau tímamót að við erum að kveðja endanlega Sportabler nafnið og heitir appið hér eftir Abler í bæði App store og Play store.

Stærsta viðbótin sem var að koma út er virkni sem nefnist ‘Færslur’/’Posts’ en það er nýr samskiptavettvangur fyrir stjórnendur, þjálfara og meðlimi. Við bindum vonir við það að þar verði lífleg samskipti sem svipa til þekktra samfélagsmiðla og eru annars eðlis en bein skilaboð í spjallinu.

Þarna geta þjálfarar sent inn fjölbreyttar færslur, jafnvel með myndefni og þar með gefið aðstandendum innsýn inn í starfið á alveg nýjan og mun skemmtilegri máta. Þarna getur félag birt tilkynningar eða auglýsingar og náð vel til meðlima án þess að senda bein skilaboð. Sjón er sögu ríkari, svo við hvetjum alla notendur til að uppfæra appið sem fyrst. 

Okkar sístækkandi notendahópur hefur frá upphafi komið með margar ábendingar og óskir um viðbætur. Með útgáfu á þessari uppfærslu erum við að koma til móts við margar af þeim ábendingum og teljum við okkur vera að stíga stórt framafaraskref í þróun okkar hugbúnaðar. Við erum hins vegar hvergi nærri hætt og búast má við frekari uppfærslum og breytingum á komandi misserum. 